venres, 23 de marzo de 2018

Concurso de logos para proyecto Erasmus+

 Bases do concurso
Preme na imaxe para consultar as bases do concurso

martes, 13 de marzo de 2018

O noso cole

Tomás, Iván e David de 4º de Educación Primaria fannos esta videotarxeta de presentación do CPI Mosteiro Meis.

Trátase dun proxecto da aula de Audición e Linguaxe no que o alumnado traballou de xeito autónomo dende novembro ata marzo para chegar á consecución deste video, para o que tiveron que facer o guión, o storyboard, a rodaxe, a montaxe (coa axuda do profe), o deseño de carteles e invitacións e por último a estrea.


Aquí tedes a presentación que fixeron diante dos seus compañeir@s e coa que explicaron como foi este proceso tan interesante.

luns, 12 de marzo de 2018

IMPRESIÓN 3D na ESO

Dende a coordinación do equipo TIC fomentouse a posta en marcha da impresora 3D recibida no centro por parte da Xunta. Para elo contouse coa formación dun enxeñeiro de deseño industrial, Iago Iglesias Pose, creador dunha starup de deseño 3D, coñecida como 3DIt Lab.

Iago acudiu ao centro o 20 de febreiro, no que impartiu unha formación de carácter técnico ás clases de 3º da ESO. Foi unha xornada moi fructífera na que aprendimos a relacionar os coñecementos teóricos que tiñamos sobre os materiais e o deseño, cunha realidade práctica que hoxe en día xa é unha realidade, a impresora 3D, a cal, por certo, conseguimos deixar axustada e en marcha.

sábado, 17 de febreiro de 2018

Os Regheifeiros

O día do entroido en secundaria tivemos a fortuna de recibir a visita de dous regheifeiros mois especiais Pinto de Herbón e Luís, o Caruncho, cos que nos divertimos moito e aprendimos a moito sobre as regheifas.


Día da Paz

Nesta ocasión adicamos o Día da Paz a Malala. Houbo un manifesto que leu Nerea Gómez de 2º da ESO e entre todos cantamos unha canción interpretada polos profes do cole.

domingo, 21 de xaneiro de 2018

Exposición de maquetas do Sistema Solar

O alumnado de 5º de Primaria fixo unha exposición das súas maquetas do Sistema Solar na Biblioteca Pública de Meis. E aproveitaron para mostrarlla aos avós e avoas do concello, nunha mañá que transcurriu de xeito marabilloso, tanto para @s máis pequen@s como para @s maiores.



Entrevista a Mario Gallego para o proxecto ERASMUS+

Manuel, Adrián e Uxía foi o alumnado de 4º da ESO encargado de entrevistar a Mario Gallego para coñecer un pouco mellor o patrimonio histórico e cultural do Concello de Meis.
Partindo desta entrevista poderán incluir estes novos descubrimentos no proxecto ERASMUS+ que levará ao alumnado de 4º da ESO ata Galway (Irlanda) onde compartirán experiencias e coñecemento co alumnado irlandés.
Podedes coñecer máis sobre o proxecto ERASMUS+ na bitácora MUSEO DO TEMPO
 



Entrevistas de Galiciencia polos Xornalistas Escolares

Carla Riveiro e Candela Giráldez de 6º de Primaria foron as Xornalistas Escolares encargadas de facer as entrevistas correspondentes ao tema de Galiciencia, a maior feira científica que se celebra en Galicia, concretamente en Ourense en Tecnópole.


A primeira entrevista foi con Sabela Bouzo, responsable de Galiciencia, esta entrevista foi todo un fito para a Radio Escolar Mosteiro Meis, xa que era a primeira ocasión na que levábamos a cabo unha audioconferencia, e cremos que o resultado foi moi moi interesante, escoitadeo e xulgade vos.

A continuación os entrevistados foron Milena de 4º da ESO que foi unha das participantes na Galiciencia 2017 e tamén o profesor Camilo, que se encargou de coordinar o proxecto participante na feira.